ثقافة جديدة للسواقة
ساعات مواقف صغيرة زي حد قافل عليك بالعربية، أو كاوتش بايظ، أو بنزينة قافلة بتخلي يومك كله يتقلب. عشان كده، قررنا نبدأ رسينا. أبلكيشن بسيط بس فكرته كبيرة و هي إننا نغير ثقافة السواقة في مصر. بنبني ثقافة مفيهاش خناق، ثقافة بتوفر وقتك، وبتخلي الشوارع أهدى. بنأسس مجتمع الكل فيه فاهمين بعض، وبتكنولوچيا بسيطة بنقدر نحل مشاكلنا.
هدفنا
نخلي التواصل في الشارع أذكى، وإن يكون الحل مش كلاكس بصوت عالي وناس بتتخانق.
مهمتنا
نحل المشاكل الكبيرة بتكنولوچيا بسيطة. مجرد سكان للستيكر والمشكلة هتتحل.
رحلتنا أساسها واحد
البساطة دايما الحل، حتى لو المشكلة معقدة
الأمان أولوية وعمرنا ما هنضحي بيه
كل المشاكل ممكن تتحل بتكنولوچيا ذكية
ثقافتنا في الفريق
كل فكرة مسموعة
مفيش حاجة اسمها صغير في الفريق. أي حد عنده فكرة، بنسمعله. لأن دايمًا أبسط فكرة ممكن تكون الحل المناسب.
إحنا في فريق مش في سباق
مفيش تنافس داخلي. كل واحد فينا بيكمل التاني، وبنفرح بنجاح بعض، وبنساعد بعض نتعلم ونكبر.
وقت الناس له قيمة
بنشتغل بجد و من غير ضغط ملوش لازمة. بنحترم وقت كل فرد، سواء في الشغل أو في حياته الشخصية.
اللي بنقوله بنعمل بيه
مش بنحكي كلام عن البساطة والاحترام في أقوالنا وبس، إحنا بنعيش القيم دي كل يوم في فريقنا، في كل ميتينج وكل قرار.
معاك في كل حتة
أيا كان مكانك في مصر تقدر تطلب ستيكر رسينا وهنوصلهولك لحد باب بيتك
