في رسينا، بنقدر خصوصيتك وبنحرص إنك تكون مطمئن وإنت بتستخدم موقعنا أو بتتعرف على الخدمة. عشان كده، حابين نوضحلك شوية نقاط مهمة عن طريقة استخدام الموقع والتطبيق:

إحنا مش بنجمع أي بيانات شخصية إلا لو إنت بنفسك قررت تشاركها، زي لما تسجل، تطلب ستيكر، أو تبعتلنا رسالة. ولو شاركت اسمك، رقم موبايلك، أو بريدك الإلكتروني، هنستخدمهم بس في الغرض اللي انت وافقت عليه. إحنا عمرنا ما هنبيع أو نشارك بياناتك مع أي طرف خارجي.

الوظيفة الأساسية لأبلكيشن رسينا هي إن الناس تقدر توصلك من غير ما يعرفوا رقمك. لما حد يعمل سكان للستيكر بتاعك، إحنا بنوصل الرسالة ليك عن طريق SMS أو واتساب، لكن رقمك الحقيقي ما بيظهرش لأي حد.

ممكن نستخدم أدوات زي Google Analytics أو تقارير الأعطال علشان نفهم إزاي الناس بتستخدم الأبلكيشن، ونقدر نحسن أدائه. الأدوات دي بتجمع بيانات عامة زي نوع الجهاز، الموقع التقريبي، أو وقت الاستخدام، لكن مش بتجمع أي حاجة ممكن تحدد هويتك.

معلوماتك محفوظة عندنا بطريقة آمنة. إحنا بنستخدم تقنيات تشفير ومعايير حماية قوية علشان نحافظ على سرية بياناتك ومنع الوصول الغير مصرح بيه.

ممكن نحدث السياسة دي من وقت للتاني، سواء للتوضيح أو بسبب تغييرات في القوانين. أحدث نسخة من السياسة هتكون دايما متاحة في الأبلكيشن وعلى موقعنا الرسمي.

لو عندك أي سؤال أو قلق بخصوص بياناتك أو خصوصيتك، تقدر تتواصل معانا في أي وقت من خلال الأبلكيشن أو موقع رسينا.