الشروط دي بتوضح إزاي تقدر تستخدم أبلكيشن رسينا، وإيه اللي بننتظره من كل المستخدمين. بمجرد ما تنزل أو تستخدم الأبلكيشن، فإنت بتوافق على الشروط التالية:

رسينا بيسمح لأصحاب العربيات بلزق QR Code على عربيتهم، علشان الناس تقدر تتواصل معاهم في مواقف زي الركنة صف تاني من غير ما يظهر رقمهم الشخصي.

كل ستيكر بيكون فريد ومربوط بحسابك. أي استخدام غلط للستيكر – زي نقله لعربية تانية من غير تحديث البيانات – ممكن يؤدي لتعليق أو إيقاف الخدمة

إنت مسؤول عن إن بياناتك في الأبلكيشن تكون دايمًا صحيحة ومحدثة. ممنوع استخدام الخدمة بشكل مسيء (زي إرسال رسايل غير لائقة أو انتحال شخصية غيرك). الأبلكيشن مش معمول لأي تواصل غير قانوني.

الرسايل اللي بتتبعت عن طريق رسينا بتوصلك عبر SMS أو واتساب. إحنا بنعمل اللي علينا لضمان وصول الرسايل لكن مش مسؤولين عن أي تأخير أو فشل بسبب مزودي الخدمة الآخرين.

رسينا معمول علشان يسهل التواصل، مش لحل النزاعات بشكل مباشر. إحنا مش مسؤولين عن ردود أفعال الناس على استخدام الستيكر، ولا عن أي مشكلة تحصل نتيجة استخدامه.

كل الشعارات و التصاميم والمحتوى الموجود في الأبلكيشن ملك لشركة رسينا. مش مسموح تنسخ أو تستخدم أي حاجة منه من غير إذن صريح.

من حقنا نوقف أو نلغي وصولك للأبلكيشن لو خالفت الشروط دي ، أو استخدمت الخدمة بشكل غير سليم، أو حاولت العبث بوظائف الأبلكيشن.

ممكن نحدث الشروط دي في أي وقت. استمرارك في استخدام الأبلكيشن يعني إنك موافق على آخر نسخة محدثة منها.